01. 【十二星座理財小貼士（上）】

雖然星相命理呢啲咁玄妙嘅嘢好似無乜科學根據，但係有時又好似幾準㗎喎🧐今次水哥就同大家睇下究竟十二星座同理財哲學有咩關係，同埋有啲咩理財小貼士適合唔同星座嘅大家🤩唔知睇緊呢個post嘅你又係乜嘢星座嘅呢？快啲嚟搵下啱自己嘅理財方法啦！

魔蠍座（12月22日 - 1月19日）

魔羯座為人刻苦耐勞，為咗賺大錢可以好忍得，有時精打細算嘅程度分分鐘畀人笑係「度叔/度嬸」添啊！🤣其實如果理財得當，又唔駛真係慳到咁嘅～水哥可以幫你分清楚邊啲洗費係必須，邊啲係娛樂，並且用圖表幫你一目了然。咁樣就算偶然買嘢食嘢獎勵下自己，都唔駛怕會洗大咗啦！

水瓶座（1月20日 - 2月18日）

水瓶座係好有個性嘅藝術家，鍾意創新而唔喜守舊，所以佢哋嘅理財方式都會獨樹一格。叫佢哋乖乖地寫低自己今個月洗咗幾多？Sorry～佢會話你out囉😌而水哥正正適合呢班走在潮流尖端嘅水瓶啦！廣東話AI理財顧問喎，仲識幫你記低同分析日常洗費添，型到爆啦！

雙魚座（2月19日 - 3月20日）

雙魚座係十二星座裏面嘅感性代表，除咗性格多愁善感之外，理財哲學都會受心情影響而起伏，好容易因為感性消費而洗大咗。其實感性嘅你最需要嘅就係一個同你互補到嘅理性拍檔，而水哥就係你嘅不二之選啦！作為一個AI理財顧問，水哥嘅專業唔會受感情影響，能夠隨時隨地根據你嘅財政狀況作出適當提醒，係咪好啱你呢！😚

白羊座（3月21日 - 4月19日）

多數白羊座都係衝動大膽嘅冒險家，投資追求高風險高回報，喺日常使費方面亦傾向想買就買，唔係太鍾意風平浪靜嘅理財模式。所以各位羊仔喺冒險嘅同時，記得事前要做多啲計劃（例如每日喺水哥度入數💧），評估下自己嘅財政狀況吖！知道自己有幾多可以使，就唔

怕使大咗喇～

金牛座（4月20日 - 5月20日）

金牛座嘅你有無曾經畀人話過「牛脾氣」呢？硬頸而穩陣嘅金牛朋友洗錢非常小心謹慎，買嘢之前會做好曬預算同計畫，絕對唔會比自己有使大咗嘅機會，不過就比較難接受一啲新穎嘅理財/投資趨勢。既然你地對理財同風險管理已經咁有心得，咁就不如多啲試下唔同嘅理財方式（例如水哥😎），可能會有意想不到嘅收穫㗎！

雙子座（5月21日 - 6月21日）

雙子座嘅你不嬲都好醒目，無論係投資定係理財都識得投機取巧，善用各種唔同嘅方法令自己最有效咁樣理財。不過咁同樣代表你嘅理財方式比較飄忽，隨時會因為計劃洗費嘅時候三心二意而失策。呢個時候，最好就梗係搵一個有齊所有理財同分析功能嘅助手幫你check住條數啦（溫馨提示：水哥幫到你👍🏻），咁咪唔駛嘥心機日日plan點樣洗錢囉！

細細聲話你知：無論你係邊個星座，水哥都可以幫你變成理財達人㗎！😉（帶定頭盔先，星座嘅嘢參考下就算啦，準唔準就見仁見智嘅～）