要儲錢除左記帳幫到手之外，做好理財規劃都好重要㗎！最近日本嘅主婦之間就好興用一個慳錢嘅秘訣，有受訪者1年仲可以慳到18萬港紙添！
媽媽慳錢秘訣1: 每個月設立10日「不買日」
「不買日」盡量唔出街/ 唔帶銀包出街 。「不買日」令到部分日子嘅預算可以儲起同埋養成儲蓄習慣。而每個周末出街食飯係大家最期待嘅節目，日本媽媽會因此忍咗「不買日」嘅消費慾望。
媽媽慳錢秘訣2: 每個禮拜只買兩次餸 + 清兩次雪櫃
實行「不買日」之外，日本媽媽每星期只會去買兩次餸，其餘日字就定做「不買日」。佢地會用雪櫃入面淨低嘅食材準備三餐，或者將前幾日嘅隔夜餸再重新搭配。除此之外，為免自己會一時衝動破戒，當日出街都會盡量唔帶錢。喺咁嘅方法之下，可以令自己減少買野去達到慳錢嘅目的，亦都可以逼自己清理雪櫃、減少浪費。
媽媽慳錢秘訣3: 善用商戶積分
超級市場通常會將每星期嘅其中一至兩日設定為雙倍積分日。喺特定嘅雙倍積分日或者喺有現金回贈嘅日子先去超市買野，除左可以賺取更多積分之餘，仲可以充分利用優惠制度慳錢，換返嚟嘅家品亦都可以幫補家計。
不過大家要小心唔好喺「不買日」唔買野，但係喺「購買日」爆買呀！唔知日本媽媽嘅方法大家啱唔啱用呢？🤔
用水哥記帳「📊睇圖」功能，就可以清楚咁睇到自己喺「不買日」有冇使錢同喺「購買日」使左幾多錢喇😉 水哥會同大家一齊努力💪🏼監督住大家慳啲使費！養成記帳習慣，更了解自己消費模式，做好理財規劃！