之前同大家分享過「三三三」儲錢大法，將三分一用嚟做日常生活使費；三分一用嚟做儲蓄；剩低嘅三分一嚟做家用。除咗「三三三」儲錢大法之外，理財新手都可以試一下「五三二」預算法則，有效控制自己嘅日常生活使費。
「五三二」預算法則
「五三二」就係教大家要將預算分成3部分。「必須」佔五成、「娛樂」佔三成，而剩底兩成就係「儲蓄」。例如我今個月有$100預算，咁「五三二」法則之下，我個必須、娛樂同埋儲蓄金額就會分別係$50、$30同埋$20。
分清使費類型
喺呢個法則，大家要識分自己嘅使費係咩類型：必須 + 娛樂。
「必須」使費包括咗啲「一定要使嘅嘢」，例如交稅、坐車、食飯等。而「娛樂」使費就係一啲「非必要消費」，例如同friend食好西、旅行、唱K等。
當然，大家嘅「必須」同埋「娛樂」使費分類都可以好唔一樣。例如小編我會當旅行係必須使費咁啦（如果去到旅行嘅話...）大家如果想儲錢儲得有效率啲，記得cut預算嘅時候要cut「娛樂」使費啊！
用水哥幫你快速分類
🐙 SuiGor 水哥 05. 📝【水哥記帳神器】🔥 輕鬆分類交易，理財更輕鬆！🌟
小編之前有講到過，坊間有好多五花八門嘅儲錢方法。我哋要根據自己嘅實際情況同埋使費預算，從小目標開始，養成儲錢嘅習慣。
細細聲話你知🤫：水哥都可以幫你變成理財達人㗎！即刻免費試用，體驗水哥「廣東話 x AI」嘅簡單快捷嘅記賬流程。